ଭୁବନେଶ୍ୱର, ୧୩/୦୩/୨୧(ଜିଲ୍ଲା ଖବର) : ଅଗଷ୍ଟ 1ରେ ହେବ ଚଳିତ ବର୍ଷ NEET ପ୍ରବେଶିକା ପରୀକ୍ଷା। ଜାତୀୟ ପରୀକ୍ଷା ଏଜେନ୍ସି ଏନଇଇଟି ନିଜର ଅଫିସିଆଲ ୱେବସାଇଟରେ ଏମବିବିଏସ ପ୍ରବେଶିକା ପରୀକ୍ଷା ତାରିଖ ଘୋଷଣା କରିଛି। ପରୀକ୍ଷା ପାଇଁ ଆବେଦନ ଖୁବ ଶୀଘ୍ର ଆରମ୍ଭ ହେବ । ଏମବିବିଏସ ଏବଂ ବିଡିଏସ ପାଠ୍ୟକ୍ରମରେ ଆଡମିଶନ କରିବାକୁ ଚାହୁଁଥିବା ବିଦ୍ୟାର୍ଥୀ ଏହି ପ୍ରବେଶିକା ପରୀକ୍ଷା ଦେବେ । ଏଥିପାଇଁ ପ୍ରଥମେ ଆବେଦନ କରିବାକୁ ହେବ। ntaneet.nic.inରେ ଲଗ୍ ଇନ କରି ବିଦ୍ୟାର୍ଥୀ ପଞ୍ଜିକରଣ କରିବେ । ବିଦ୍ୟାର୍ଥୀ ପେନ ଏବଂ ପେପର ମୋଡରେ ଏହି ପରୀକ୍ଷା ଦେବେ । ମେଡିକାଲ ପ୍ରବେଶିକା ପରୀକ୍ଷାରେ ବସିବାକୁ ହେଲେ ବିଦ୍ୟାର୍ଥୀଙ୍କ ସର୍ବନିମ୍ନ ବୟସ 17 ଏବଂ ସର୍ବାଧିକ ବୟସ 25 ବର୍ଷ ବୟସ ହୋଇଥିବ। ଯୁକ୍ତ 2 ବିଜ୍ଞାନରେ କୌଣସି ସ୍ୱୀକୃତିପ୍ରାପ୍ତ ବୋର୍ଡରୁ ପାସ କରିଥିବେ ବିଦ୍ୟାର୍ଥୀ। ଏହି ପରୀକ୍ଷା 11ଟି ଭାଷାରେ ହେବ । ଇଂଲିଶ, ହିନ୍ଦୀ, ଓଡ଼ିଆ, ଆସାମୀ, ଗୁଜରାଟି, ବେଙ୍ଗଲୀ, ମରାଠୀ, କନ୍ନଡ, ତେଲୁଗୁ, ତାମିଲ ଏବଂ ଉର୍ଦ୍ଦୁ ଭାଷାରେ ପରୀକ୍ଷା ହେବ। ବିଦ୍ୟାର୍ଥୀ ଯେଉଁ ଭାଷାରେ ପରୀକ୍ଷା ଦେବେ ଆବେଦନପତ୍ରରେ ତାହା ଉଲ୍ଲେଖ କରିବେ ।