Monday, November 16, 2026
Home ଆଞ୍ଚଳିକ ଫାସୀ ପଂଚାୟତ ର ବିଲିପଡାକୁ ଆଦର୍ଶ ଗ୍ରାମ କରିବାକୁ ପ୍ରାକ ପ୍ରସ୍ତୁତି

ଫାସୀ ପଂଚାୟତ ର ବିଲିପଡାକୁ ଆଦର୍ଶ ଗ୍ରାମ କରିବାକୁ ପ୍ରାକ ପ୍ରସ୍ତୁତି

33

କୋଦଳା/ବେଗୁନିଆପଡା,୧୫/୧୨(ଦେବାଶିଷ ମହାରଣା):ଗଂଜାମ ଜିଲ୍ଲା ବେଗୁନିଆପଡ଼ା ବ୍ଳକ ଅନ୍ତର୍ଗତ ଫାଶୀ ପଞ୍ଚାୟତର ବିଲିପଡା ଗ୍ରାମକୁ ଆଦର୍ଶ ଗ୍ରାମ କରିବା ପାଇଁ ଆରମ୍ଭ ହୋଇ ଯାଇଛି ପ୍ରସ୍ତୁତି। ଏ ନେଇ ଏକ ପ୍ରସ୍ତୁତି ବୈଠକ ମଂଗଳବାର ଦିନ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ବିଲିପଡ଼ା ଗ୍ରାମରେ ଅନୁଷ୍ଠିତ ଏହି ବୈଠକରେ ବେଗୁନିଆପଡ଼ା ବ୍ଳକ ଅଧ୍ଯକ୍ଷ ପ୍ରତିନିଧି ବିଜୟ କୁମାର ଦୋରା, ଗୋଷ୍ଠୀ ଉନ୍ନୟନ ଅଧିକାରୀ ବେଦବର ପ୍ରଧାନ, ଫାଶୀ ସରପଞ୍ଚ ନବୀନ ଦଳେଇ, ବ୍ଲକ ସ୍ତରୀୟ ଅଧିକାରୀ ମାନେ ବିଲିପଡା ଗ୍ରାମକୁ ଯାଇ ଗ୍ରାମର ଆବଶ୍ୟକତାକୁ ଦୃଷ୍ଟିରେ ରଖି ବିଭିନ୍ନ ଉନ୍ନୟନ ମୂଳକ କାର୍ଯ୍ଯର ସମୀକ୍ଷା କରିଛନ୍ତି। ପରିମଳ ବ୍ୟବସ୍ଥା, ଡ୍ରେନେଜ୍ ବ୍ଯବସ୍ଥା, ପାନୀୟ ଜଳ ବ୍ୟବସ୍ଥା ସମେତ ବହୁ ମୌଳିକ ସୁବିଧା ଗୁଡିକ କିଭଳି ଭାବେ ତୁରନ୍ତ ଲାଗୁ କରାଯିବ ସେ ନେଇ ବିଭିନ୍ନ ବିଭାଗର ଅଧିକାରୀ ମାନଙ୍କୁ ପରାମର୍ଶ ଦେଇ ତୁରନ୍ତ କାର୍ଯ୍ୟ ଆରମ୍ଭ କରିବାକୁ ବିଧାୟିକା ନିର୍ଧେସ ଦେଇଥିଲେ । ଆଦର୍ଶ ଗ୍ରାମ କରିବା ପାଇଁ ସରକାରୀ ନିୟମ ଅନୁସାରେ ଯାହା ସବୁ ପଦକ୍ଷେପ ନିଆଯିବ ସେ ନେଇ ବିସୃତ ଭାବେ ଆଲୋଚନା ହୋଇଥିଲା। ବିଲିପଡ଼ା କୁ ଆଦର୍ଶ ଗ୍ରାମ ଘୋଷଣା ହେବା ପର୍ଯ୍ୟନ୍ତ ସମସ୍ତ ପ୍ରୟାସ ଜାରୀ ରଖାଯିବ ବୋଲି କହିଛନ୍ତି ବିଧାୟିକା ଲତିକା ପ୍ରଧାନ ।