ନୂଆଦିଲ୍ଲୀ, ୪ ଡିସେମ୍ବର ୨୦୨୦ (ଜ଼ିଲ୍ଲାଖବର):
ନୌସେନା ଦିବସ ଉପଲକ୍ଷେ ଭାରତୀୟ ନୌବାହିନୀକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି। “ନୌସେନା ଦିବସ ଉପଲକ୍ଷେ ଆମ ନୌବାହିନୀର ସାହସୀ ଯବାନ ଓ ତାଙ୍କ ପରିବାରଙ୍କୁ ଅଭିନନ୍ଦନ। ଭାରତୀୟ ନୌବାହିନୀ ନିର୍ଭୀକ ଭାବରେ ଆମ ଉପକୂଳବର୍ତ୍ତୀ ଅଞ୍ଚଳକୁ ସୁରକ୍ଷା ପ୍ରଦାନ କରନ୍ତି ଏବଂ ଜରୁରୀ ସମୟରେ ମାନବିକ ଦାୟିତ୍ଵ ମଧ୍ୟ ତୁଳାଇ ଥାନ୍ତି। ଏହି ଅବସରରେ ଭାରତର ପ୍ରାଚୀନ ସମୃଦ୍ଧ ନୌବାଣିଜ୍ୟ ପରମ୍ପରାକୁ ମଧ୍ୟ ଆମେ ସ୍ମରଣ କରୁଛୁ,” ବୋଲି ପ୍ରଧାନମନ୍ତ୍ରୀ କହିଛନ୍ତି।