ଜଟଣୀ,୩ ଡିସେମ୍ବର ୨୦୨୦(ଖୋର୍ଦ୍ଧା ଜିଲ୍ଲା/ସଞ୍ଜୀବ କୁମାର): ଖୋର୍ଦ୍ଧା ରୋଡ୍ ମଣ୍ଡଳ ରେ, ଭୁବନେଶ୍ୱର ପାର୍ସଲ କାର୍ୟ୍ୟାଳୟ ସର୍ବାଧିକ ଲୋଡିଂ ରେକର୍ଡ କରିଛି ଏବଂ ୬୪ ଟନ୍ ପାର୍ସଲ୍ ଦ୍ରବ୍ୟର ଅତିରିକ୍ତ ପରିବହନ ସହିତ ଗତ ବର୍ଷର ରେକର୍ଡକୁ ଅତିକ୍ରମ କରିଛି। ଉତ୍ତର ପୂର୍ବ ରାଜ୍ୟଗୁଡିକୁ କୁକୁଡ଼ା ଛୁଆ ପାଇଁ ଉଦ୍ଦିଷ୍ଟ ଅଣ୍ଡା ବହୁତ ଲୋଡିଂ ହୋଇଛି |ଯଦିଓ ଯାତ୍ରୀବାହୀ ଟ୍ରେନ୍ ସେବା ଉଙଠଓଊ-୧୯ କୁ ଦୃଷ୍ଟିରେ ରଖି ଧୀରେ ଧୀରେ ବୃଦ୍ଧି ପାଉଛି, କିନ୍ତୁ ଖୋର୍ଦ୍ଧା ରୋଡ୍ ମଣ୍ଡଳ ଦ୍ୱାରା ପାର୍ସଲ୍ କାର୍ଗୋ ଏକ୍ସପ୍ରେସ ଟ୍ରେନ୍ ଏବଂ ପାର୍ସଲ୍ ଭ୍ୟାନ୍ ମାଧ୍ୟମରେ ଅତ୍ୟାବଶ୍ୟକ ସାମଗ୍ରୀ ପରିବହନ ସମ୍ପୂର୍ଣ୍ଣ ପର୍ୟ୍ୟାୟରେ ଚାଲିଛି | ନଭେମ୍ବର -୨୦୨୦ ମାସରେ, ୧୩୭୩ ଟନ୍ ଜରୁରୀ ସାମଗ୍ରୀ ଯେପରିକି ମାଛ, ଅଣ୍ଡା, ପାନ ପତ୍ର, କାଜୁ, ଘରୋଇ ସାମଗ୍ରୀ, ଯନ୍ତ୍ରପାତି ଅଂଶ, ସ୍କ୍ରାପ୍ ଏବଂ ଅନ୍ୟାନ୍ୟ କଠିନ ପାର୍ସଲ ଭୁବନେଶ୍ୱର ପାର୍ସଲ କାର୍ୟ୍ୟାଳୟରୁ ଦେଶର ବିଭିନ୍ନ ସ୍ଥାନକୁ ପରିବହନ କରାଯାଇଛି |
ଏହା ଦ୍ଵାରା ଟ ୬୪,୦୦,୧୨୬/- ରାଜସ୍ୱ ପ୍ରଶାସନକୁ ଆସିଛି । ଗତ ବର୍ଷ ନଭେମ୍ବର -୨୦୧୯ ତୁଳନାରେ ଏହା ୬୪ ଟନ୍ ଅତିରିକ୍ତ ପାର୍ସଲ୍ ଲୋଡିଂ ଏହି ମାସରେ ଉତ୍ତର ପୂର୍ବ ରାଜ୍ୟଗୁଡିକର ବଜାର ଆବଶ୍ୟକତା ପୂରଣ କରି କୁକୁଡ଼ା ଛୁଆ ପାଇଁ ଉଦ୍ଦିଷ୍ଟ ଅଣ୍ଡା ୬ ଟି ପାର୍ସଲ୍ ଭ୍ୟାନ୍ ଭୁବନେଶ୍ୱରରୁ ପରିବହନ କରାଯାଇଛି | ସାଧାରଣ ଜନତା, ବ୍ୟବସାୟିକ ବ୍ୟକ୍ତି, ବ୍ୟବସାୟୀ ଏବଂ କାର୍ଗୋ ପରିଚାଳକ ମାନଙ୍କ ପାଇଁ ପାର୍ସଲ କାର୍ଗୋ ଏକ୍ସପ୍ରେସ ଟ୍ରେନ୍ ଏବଂ ପାର୍ସଲ୍ ଭ୍ୟାନ୍ ମାଧ୍ୟମରେ ଦ୍ରବ୍ୟ ପରିବହନ ପାଇଁ ଖୋର୍ଦ୍ଧା ରୋଡ୍ ମଣ୍ଡଳ ସମସ୍ତ ସମ୍ଭାବ୍ୟ ପ୍ରୟାସ କରୁଛି