ଖୋର୍ଦ୍ଧା, ୨୭-୧୧-୨୦୨୦(ସଞ୍ଜୀବ କୁମାର) :
ଭାରତରେ ସମ୍ବିଧାନ ପ୍ରଚଳନ ଦିବସକୁ ମନେପକାଇବା ପାଇଁ 26 ନଭେମ୍ବର 2020 ରେ ଖୋର୍ଦ୍ଧା ରୋଡ୍ ମଣ୍ଡଳ ଦ୍ୱାରା “ସମ୍ବିଧାନ ଦିବସ” ପାଳନ କରାଯାଇଥିଲା।ଏହି ପାଳନ ସମୟରେ ଖୋର୍ଦ୍ଧା ରୋଡ୍ ମଣ୍ଡଳ ରେଳ ପ୍ରବନ୍ଧକ ଶ୍ରୀ ଶଶି କାନ୍ତ ସିଂହ, ଅତିରିକ୍ତ ମଣ୍ଡଳ ରେଳ ପ୍ରବନ୍ଧକ (ଓପି) ଶ୍ରୀ ଅଶୋକ କୁମାର, ଅତିରିକ୍ତ ମଣ୍ଡଳ ରେଳ ପ୍ରବନ୍ଧକ (ଇନଫ୍ରା), ଶ୍ରୀ କଲ୍ୟାଣ ପଟ୍ଟନାୟକ ଏବଂ ଅନ୍ୟ ଶାଖା ଅଧିକାରୀ ଏବଂ କର୍ମଚାରୀମାନେ ଭାରତର ମାନ୍ୟବର ରାଷ୍ଟ୍ରପତିଙ୍କ ଦ୍ୱାରା “ସମ୍ବିଧାନର ପ୍ରିଆମ୍ବଲ୍(ପ୍ରସ୍ତାବନା)ର ପଠନର ସିଧା ପ୍ରସାରଣରେ ଅନଲାଇନରେ ଅ°ଶ ଗ୍ରହଣ କରିଥିଲେ |
ଶ୍ରୀ ସିଂହ କହିଥିଲେ ଯେ ଆସନ୍ତୁ ଆମର ଗଣତାନ୍ତ୍ରିକ ରାଷ୍ଟ୍ରର ମୈ|ଳିକ ମୂଲ୍ୟବୋଧ ପାଇଁ ଶପଥ ନେବା ଏବଂ ଆମ ସମ୍ବିଧାନରେ ଅନ୍ତର୍ଭୁକ୍ତ ନ୍ୟାୟ, ସ୍ୱାଧୀନତା, ସମାନତା ଏବଂ ଭ୍ରାତୃଭାବର ନୀତିକୁ ସମ୍ମାନ ଦେବା। ବିଭିନ୍ନ ରେଳ ଷ୍ଟେସନ ତଥା ଭୁବନେଶ୍ୱର, ପୁରୀ, ଖୋର୍ଦ୍ଧା ରୋଡ୍, କଟକ, ଭଦ୍ରକ, ଯାଜପୁର-କେନ୍ଦୁଝର ରୋଡ୍, ବ୍ରହ୍ମପୁର ଇତ୍ୟାଦିର ଅଧିକାରୀ ତଥା କର୍ମଚାରୀମାନେ ମଧ୍ୟ ସମ୍ବିଧାନ ଦିବସ ପାଳନ କରିଥିଲେ। ଏହି କାର୍ଯ୍ୟକ୍ରମକୁ ଖୋର୍ଦ୍ଧା ରୋଡ୍ ମଣ୍ଡଳର ବରିଷ୍ଟ କାର୍ମୀକ ଅଧିକାରୀ ଶ୍ରୀ ରଂଜନ କୁମାର ମହାନ୍ତି ସଂଯୋଜନା କରିଥିଲେ।