ବିଷମକଟକ, ୨୦-୧୧-୨୦୨୦(ପ୍ରସନ୍ନ ପଣ୍ଡା) : ରାୟଗଡା ଜିଲ୍ଲା ମୁନିଗୁଡା ହନୁମାନ ବଜାରରୁ ବୁଧବାର ରାତିରେ ମୋବାଇଲ ଦୋକାନ ଉପର ଟିଣ କାଡି ପ୍ରାୟ ୫ ଲକ୍ଷ ଟଙ୍କାର ମୋବାଇଲ ଚୋରି ଘଟଣାରେ ମୁନିଗୁଡା ପୋଲିସ ଦୁଇ ଜଣ ନାବାଳକଙ୍କ ସମେତ ଛଅ ଜଣକୁ ଗିରଫ କରି କୋର୍ଟ ଚାଲାଣ କରିଛି l
ଉକ୍ତ ଛଅ ଜଣ ହେଲେ ମୁନିଗୁଡା ଅଞ୍ଚଳର ପିଙ୍କୁ ପଣ୍ଡା, ସରୋଜ ପଟେଲ, ପୀତବାସ ରଣା, ଜଗନ୍ନାଥ ସାହୁଙ୍କ ସମେତ ଦୁଇ ନାବାଳକ ବୋଲି ପୋଲିସ ସୂତ୍ରରୁ ଜଣାପଡିଛି l ଏମାନଙ୍କ ଠାରୁ 25ଟି ମୋବାଇଲ, 2ଟି ଲାପଟୋପ ଓ ଗୋଟିଏ KTM ବାଇକ ଯବତ କରିବା ସହ ଏମାନଙ୍କ ନାମରେ ମୁନିଗୁଡା ଥାନା କେଶରେ ନମ୍ବର 164/20, ଦଫା 457/380 ରେ ମାମଲା ରୁଜୁ କରି କୋର୍ଟ ଚାଲାଣ କରିଥିବା ରାୟଗଡା ଏସପି ଶ୍ରବଣ ବିବେକ ଏମ ପ୍ରେସ ବିଜ୍ଞପ୍ତି ମାଧ୍ୟମରେ ସୂଚନା ଦେଇଛନ୍ତି