ଜଟଣୀ,୨୭/୧୦(ଜିଲ୍ଲା ଖବର) : ଚଳିତ ବର୍ଷ କରୋନା ସଂକ୍ରମଣ ଯୋଗୁଁ ଗୋଟେ ପରେ ଗୋଟେ ଉତ୍ସବ ଫିକା ପଡ଼ି ଚାଲିଥିବା ବେଳେ ଚଳିତ ଦଶହରା ଉତ୍ସବ ମଧ୍ୟ ସମ୍ପୂର୍ଣ୍ଣ ନିରାଡ଼ମ୍ବର ସହକାରେ ସମାପ୍ତ ହୋଇ ଯାଇଛି । ନାଥୁଲା ସାଜସଜା, ନା ଭକ୍ତଙ୍କ ଗହଳିଚହଳି । ସବୁ ପେଣ୍ଡାଲରେ ପରଦା ପଛରେ ମା’ଙ୍କୁ ପୂଜାର୍ଚ୍ଚନା କରାଗଲା । କରୋନା ସଂକ୍ରମଣ ସମୟରେ ସମ୍ପୂର୍ଣ୍ଣ କୋଭି କଟକଣା ପାଳନ ଉପରେ ସରକାର ଗୁରୁତ୍ବ ଦେଇଥିଲେ । ଜଟଣୀର ସମସ୍ତ ପୂଜା ପେଣ୍ଡାଲଗୁଡ଼ିକରେ ମଧ୍ୟ ନିରାଡ଼ମ୍ବର ପୂଜା ଅନୁଷ୍ଠିତ ହୋଇଥିଲା । ବିଜୟା ଦଶମୀରେ ସବୁ ପୂଜା ପେଣ୍ଡାଲ ବନ୍ଦ ହେବା ସ ବାହାରେ କିଛି ବ୍ୟକ୍ତି ଆସି ଗାଡ଼ି ପୂଜା କରିଥିଲେ । ବିଜୟା ଦଶମୀ ପରଦିନ ମା’ଙ୍କୁ ସମ୍ପୂର୍ଣ୍ଣ କଟକଣା ମଧ୍ୟରେ ମେଲାଣି ଦିଆଯିବାର ବ୍ୟବସ୍ଥା ରହିଛି । ଦଶହରା ଉପଲକ୍ଷେ ପ୍ରତିବର୍ଷ କର୍ମ ମନ୍ଦିର ପକ୍ଷରୁ ସ୍ଥାନୀୟ ଯାତ୍ରାପଡ଼ିଆରେ ମା’ ଦୁର୍ଗାଙ୍କର ରୀତିନିତି ଅନୁଯାୟୀ ପୂଜା ପାଳନ ପୂର୍ବକ ରାବଣ ପୋଡ଼ି ଉତ୍ସବ ପାଳନ କରାଯାଇଅଛି । ମାତ୍ର ଚଳିତ ବର୍ଷ କଟକଣା ଯୋଗୁଁ ବି ରକୁ ଯାଇ ଛୋଟ ପ୍ରତିକାମୁ ରାବଣ ତିଆରି କରି ସେଥିରେ ଅଗ୍ନି ସଂଯୋଗ କରାଯାଇଥିଲା । ଚଳିତବର୍ଷ ଏହି ଉତ୍ସବ ପରିପେକ୍ଷୀରେ ହେଉଥିବା ସାଂସ୍କୃତିକ, ସମର୍ଦନା, ଅଭିନନ୍ଦନ କାର୍ଯ୍ୟକ୍ରମ ବନ୍ଦ କରାଯାଇଥିବା ବେଳେ ଆତସବାଜି ପ୍ରଦର୍ଶନ ମଧ୍ୟ ରଖାଯାଇଥିଲା । କାର୍ଯ୍ୟକ୍ରମରେ ଜନ ସମାବେସକୁ ବାଦଦେଇ ସମ୍ପୂର୍ଣ୍ଣ କୋଭିଡ଼ କଟକଣା ମାନି ପାଳନ ହୋଇଥିଲା । ଏହି କାର୍ଯ୍ୟକ୍ରମରେ ବିଜେପି ଖୋର୍ଦ୍ଧା ଜିଲ୍ଲା ସମ୍ପାଦକ ମନୋଜ ନନ୍ଦ ଅତିଥିଭାବେ ଯୋଗ ଦେଇ ପ୍ରତିକାତ୍ମ ରାବଣରେ ଅଗ୍ନି ସଂଯୋଗ କରିଥିଲେ ।
ରିପୋର୍ଟ ସଞ୍ଜୀବ କୁମାର ।